Rov pib dua >Povhwm Kev Poob Haujlwm > Phau Ntawv Rau Cov Thov Qhia Cov Tshooj Ntawv > Phau Ntawv Rau Cov Thov - Tshooj 9

Tshooj 9:  Hais Txog Qhov Uas Tsimnyog Tau

YAM UAS HAIS TXOG QHOV TSIMNYOG TAU YOG DABTSI?

Yam uas hais txog qhov tsimnyog tau yog ib yam uas cuam tshuam rau kev li kev cai txog tias seb koj puas tsimnyog tau UI, thiab tsis muab, muab ncua tseg los yog txo koj qhov nyiaj poob haujlwm raws kev cai tswj kev povhwm poob haujlwm. Luag yuav soj ntsuam txhua yam hais txog qhov uas puas tsimnyog tau rau tej uas koj thov pab ua ntej luag yuav them UI rau koj. Piv xam li, nws muaj feem uas hais txog seb puas tsimnyog koj tau yog tias qhov uas ib tus tswv num twg tau xaus koj txoj haujlwm tsis yog vim tsis muaj haujlwm ua yog tim lwm yam. Qho yam uas hais txog qhov uas tsimnyog tau thiab tsis tau no muaj mentsis nyob hauv tshooj ntawv no.

Peb yuav tuav koj cov nyiaj tseg lub sijahwm uas peb txoj taug hais txog qhov uas puas tsimnyog tau no. Txawm li ntawd los, lub sijhawm uas peb tseem txoj taug no, nws tseemceeb uas koj tseem pheej yuav tsum niaj limtiam ua ntaubntawv thov.

Yog luag kom koj hu rau tus neeg pab leg ntaubntawv hais txog qhov uas tsimnyog tau no, cia li hu tamsim. Yog koj tsis hu koj muaj feem plam tsis tau kev pab nqi zog.

TSHUAJ XYUAS QHOV TSEEB:

Koj thiab koj tus tswvnum yuav muaj ib lub sijhawm los mus piav txog qhov tseeb ua ntej lawv txiav txim. Yog hais koj tsis hu rau lawv lossis tsis muab cov lus tseeb rau lub koom haum ntawd yog thaum lawv hais txog lawm, los yog koj tsis mus ntsib lawv thaum lawv teem ib lus sijhawm rau koj, lawv yuav txiav txim raws li cov ntaubntawv uas lawv muaj nyob ntawm lawv xwm yog li no lawm muaj tej zaum kom hom yuav tsis tau txais kev pab los ntawm lawv.

Yog koj tsis koom nrog qhov kev sib tham nrhiav qhov tseeb no, koj muaj feem plam tsis tau kev nyiaj poob haujlwm.

UA DAIM NTAWV TXIAV TXIM (FORM UCB-20):

Tom qab kev txoj taug txog qhov uas puas tsimnyog tau no tag, ho yuav sau ntawv qhia rau koj paub tias luag txiav txim li cas lawm. Sau daim ntawv txiav txim no qhia txog tias yog vim li cas luag thiaj txiav txim li ntawd thiab yog li cas kev qhov no thiaj li cuam tshuam koj kev thov pab. Yog koj tsis totaub qhov kev txiav txim no ces hu rau cov xovtooj uas muaj pabcuam thiab nrog tus neeg pab leg ntaubntawv tham. Yog koj tsis pom zoo li tau txiav txim thiab xav hais, ces ua raws li cov kabke uas rov hais dua nyob sab nraum daim ntawv qhia kev txiav txim no.

Yog koj lossis koj tus tswv num rov hais dua txog daim ntawv txiav txim no, yuav tsum XIJ PHEEJ TSEEM UA NTAUB NTAWV THOV rau hauv tej lub limtiam uas koj tsis mus ua haujlwm los yog ua haujlwm tau nyiaj tsawg tshaj li uas koj txeev tau. Kev txiav txim yav pem suab es yog koj yeej ces koj xwv yuav tau nyiaj pab rau cov limtiam uas koj tau thov lawm.

KEV UAS TSIS TSIMNYOG TAU:

Txawm tias koj twb tau nyiaj ntau huj sim lawm los ntawm txoj haujlwm uas muaj povhwm poob haujlwm dauv, los koj yuav tsis tau kev pab yog tias koj:

• tawm haujlwm yam tsis muaj qabhau dabtsi. UI li kev cai tshem koj nqi zog li 4 lub limtiam thiab txog thaum koj khwv tau 4 npaug hauv koj qhov WBR.
  
  
• raug rho tawm haujlwm. UI li kev cai rho tawm tus tswv num qhov nyiaj hauv txoos sijhwm pib tsis muab suav nrog koj qhov MBA thiab yuav tshem koj cov nyiaj pab txog 7 lub limtiam thiab txog thaum uas koj khwv tau 14 npaug tshaj koj qhov WBR.
  
  
• raug rho tawm vim koj tsis mus ua haujlwm los yog mus pib lig ntau zaum uas koj tsis hu qhia tus twsvnum paub txog. UI txoj cai yuav tsis puab nyiaj pab rau koj ntev lis ntawm 6 lub limtiam thiab txog thaum koj mus ua haujlwm es cov nyiaj them koj ntawd tshaj lis 6 zaum los ntawm koj cov WBR.
   
• tsis kam mus ua haujlwm yam tsis muaj qabhau dabtsi. UI li kev cai tshem koj cov nqi zog txog 4 lub limtiam thiab txog thaum uas koj khwv tau 4 npaug tshaj koj qhov WBR.
  
  
• tsis mus nrhiav haujlwm rau lub limtiam uas lawv hais tseg.
  
  
• ua haujlwm thaib ho thov pab thiab ho tsis ua haujlwm tag li muaj nyob rau hauv lub limtiam ntawd. UI li kev cai ntxiv cov nyiaj uas ntxim koj yuav khwv tau nrog koj cov nyiaj uas koj khwv tau los xam koj cov nyiaj pab. Yog hais tias koj tsis ua haujlwm tshaj 16 txoos teev tuaj ib lub limtiam twg lawv yuav tsis tsimnyog txai tau kev pab.
  
  
• ua haujlwm tau 40 txoos teev los yog tshaj los ntawm txhua tus tswv num hauv lub limtiam uas koj thov pab ntawd.
  
  
• ua haujlwm thiab thov nyiaj pab rau lub limtiam uas koj yuav tau nyiaj haujlwm li 35 txoos teev rau ib tus tswv num uas them 80% los yog tshaj koj qhov nyiaj haujlwm ntawm txoos sijhawm pib, thiab koj li nyiaj haujlwm lub limtiam ntawd sib npaug zog los yog ntau tshaj qhov uas tus tswv num ntawm txwm 3 hlis siab ntawm txwm 3 hlis qis.
  
  
• ua tsis taus haujlwm los yog tsis khoom ua haujlwm ib lub limtiam. Lub koom haum yuav tshuaj xyuas tej yam haujlwm uas txwv tsis pub koj ua los yog tsis muaj kev xyeej ua. Yam ntxwv yog li ntawm no, tiamsis tsi tas no xwb, cov teev ua haujlwm koj ua tau, cov haujlwm uas koj ua tau thiab seb koj mus ua deb lossis ze li cas xwb. Txawm hais tias koj twb yeej ua haujlwm lawm los lawv tsheej muaj txoj cai tsi pub nyiaj rau koj vim koj ua tsi tau haujlwm full-time.
  
  
• tsis ua haujlwm vim yog muaj tawm tsam haujlwm los yog hais dejnum tsis haum, uas tsis yog los ntawm kev kaw haujlwm. Cov neeg ua haujlwm uas tsis koom nrog kev tawm tsam haujlwm tabsis cia li tsis muaj haujlwm ua vim yog tej ntawd, kuj muaj feem uas yuav tsis tau thiab. Yog koj ua haujlwm rau txoj haujlwm uas muaj povhwm dauv tom qab uas pib tawm tsam thiab koj li nyiaj haujlwm yog tsimnyog tau raws li pab los ntawm txoj haujlwm ntawd, tej zaum koj kuj yuav kev pab rau lub sijhawm uas tseem tabtom tawm tsam ntawd thiab.
  
  
• ua haujlwm rau tsev kawmntawv lub sijhawm uas muaj kawmntawv. Koj tsis muaj feem tau nyiaj poob haujlwm yog ua haujlwm raws caij kawmntawv xwb los yog raws xyoos kawmntawv yog koj paub tias koj yuav tau rov mus ua haujlwm li qub tom qab so ntawv tag los yog rov pib ntawv xyoos ntxiv mus. Peb them tau rau lub sijhawm li no los tsuas yog siv lwm tus tswv num li them xwb thiab yog koj tau nyiaj haujlwm uas muaj feem thov tau kev pab thiaj pab tau los ntawm lwm tus tswv num nkaus xwb.
  
  
• yog tsev neeg li tuam txhab lag luam them nyiaj haujlwm rau koj, uas yog koj los yog koj tus txheeb ze ua tus tswv los yog koj tsev neeg ntawd them nyiaj txoos sijhawm pib. Koj tus nrim nyiaj uas tau siab tshaj plaws yuav raug txo kom qis. Thaum peb txheeb koj li MBA, qhov nyiaj haujlwm uas siv tsev neeg lub tuam txhab lag luam li nyiaj them tsis pub dhau 10 zaug ntawm WBR ntawm tus tswv num ntawd. Qhov no los kuj yuav muab tim tau rau tus neeg uas nrog koj ua lag luam ua ke, tsuas yog yuav saib seb koj feem txheeb ze rau qhov no yog li cas xwb.
  
  
• tes haujlwm uas tsis zwm rau. Tes haujlwm uas tsis zwm rau yog tes haujlwm uas tsis dauv los ntawm Wisconsin li UI txoj cai. Luag yuav tsis them koj los ntawm cov haujlwm no. Tej yam piv txwv txog cov haujlwm no yog muaj:

Xyuas Tshooj 8 hauv phau ntawv no qhia ntau yam txog txoj haujlwm uas muaj povhwm thiab txoj tsis muaj thiab nws yuav cuam tshuam kev them nqi zog li cas.

THOV POVHWM POOB HAUJLWM THAUM TSEEM YOG IB TUS KAWM NTAWV:

Koj yuav tsum qhia rau lawv yog hais tias koj yog ib tus tibneeg tseem kawm ntawv rau lub sijhawm koj thov nyiaj poob haujlwm, luag yuav txoj taug seb koj puas yuav xyeej mus ua haujlwm. Koj tsis tag nrhiav haujlwm thaum tseem kawm ntawv yog pom tias koj tus ntawv uas kawm ntawd yeej yog “pom zoo rau kawm lawm,” los yog hais qhia lawv tias koj tseem kawm ntawv no, hu rau cov xovtooj uas pab teb lus nug nyob sab nraum phau ntawv no thiab nrog tus neeg pab leg ntaubntawv tham.

TXO NYIAJ LAUS:

Koj yuav tsum hais rau peb paub txog cov nyiaj laus uas koj tseem tau, nyuam qhuav tau tsis ntev no los yog tseem yuav tau. Nyiaj laus yog nyiaj ua ntau zaum them tuaj rau koj (ib yam lis nyiaj hlis) thiab nyiaj ua ib zaum them rau koj los ntawm cov nyiaj laus so haujlwm, pension, annuities, 401(K)’s, 403(b)’s, 457(b)’s, thiab nyiaj laus ntawm railroad. Nyiaj social security tsis xa hias tias yog nyiaj laus. Yog tus tswv num them tas nrog losyog ib feem ntawm cov nyiaj laus rau koj, cov nyiaj yuav muab raug txiav tawm hauv cov nyiaj them poob haujlwm.

Yog tas nrog losyog ib feem ntawm koj cov nyiaj laus los ntawm tib tus tswvnum xwm, koj cov nyiaj limtiam yuav tsum raug txo kom tsawg.

Yog koj tau txais nyiaj laus (xws li them raws hli) los ntawm ib tus tswv num, lawv yuav txiav nyiaj saib raws cov nyiaj them ntawm nyiaj poob haujlwm. Cov nyiaj yuav txiav tawm rau txhua lub limtiam txog ntawm cov pension koj tau txais los ntawm nyiaj Railroad Retirement yog yuav txiav tawm 50% ntawm cov nyiaj laus them tuaj rau koj ntawd.

Yog koj tau txais ib cov nyiaj laus los ntawm ib tug tswv num, tus tswv num feem nyiaj ntawm koj qhov nyiaj laus no muaj feem cuam tshuam rau koj cov nyiaj povhwm poob haujlwm xam rau ntawm cov nyiaj uas tus tswvnum twg tau them xwm. Lub koomhaum yuav tsum muab cov nyiaj no faib rau txhua lub limtiam uas yuav txiav tawm ntawm koj cov nyiaj poob haujlwm txhua lub timtiam. Cov nyiaj txiav no yuav npaum lis cov nyiaj koj tus tswvnum tau them koj rau ib lub limtiam twg. Yog koj muab cov nyiaj no mus tso ua nyiaj laus tsis pub dhau 60 hnub uas koj tau txais ntawd no ces peb yuav tsis txo koj cov nyiaj kom tswag. Koj yuav tsum qhia rau peb paub txog yog hais tias koj no hos tau txais nyiaj los ntawm lis lub koomhaum tuav nyiaj laus.

Yog koj zoo siab so haujlwm (voluntary retirement) no tej zaum peb yuav xav hais tias yog koj tawm haujlwm xwm. Qhov no yuav ua rau koj txais tsis tau nyiaj laus. (Saib Tshooj 9 hais ntxiv txog li yam ua rau peb tsis pom zoo pub nyiaj laus.)

SAIB SEB PUAS MUAJ CAI UA HAUJLWM:

The Immigration Reform and Control Act of 1986 (P.L. 99-603) xwv kom txhua tus tswv num yuav tsum saib seb txhua tus tub num tshiab puas muaj cai ua haujlwm. Thaum ib tug tswv num txais koj ua haujlwm, tus tswv num tseev kom koj qhia qho yam ntaubntawv kom paub koj li ntawv plhu thiab feem cai uas koj ua tau haujlwm. Yog koj muab tsis tau tej ntaubntawv no rau koj tus tswv num li txoj cai, koj tus tswv num yuav tso koj tawm haujlwm. Yog koj tsis muaj tej ntaubntawv no rau tus tswv num thiab rau qhov chaw saib xyuas povhwm poob haujlwm ces nws yuav cuam tshuam koj li nyiaj UI.

Phau Ntawv Rau Cov Thov Qhia Cov Tshooj Ntawv

Tshooj 10: Kev Txumloom Thiab Kev Tsw Jhwm Zoo