Skip Header Wisconsin.gov banner wisconsin.gov home        state agencies        subject directory

Wisconsin Department of Workforce Development

DWD Internet homepage Call Us For Help | About DWD | News | Documents | Sitemap
 

Rov pib dua >Povhwm Kev Poob Haujlwm > Phau Ntawv Rau Cov Thov Qhia Cov Tshooj Ntawv > Phau Ntawv Rau Cov Thov - Tshooj 8

Tshooj 8:  Kev Xam Nyiaj Poob Haujlmw

Cov lus piav qhia thiab cov kev xam nyiaj pab nramqab no yuav qhia kom koj totaub txog qhov uas luag xam nqi pab li cas, seb koj cov nyiaj ua haujlwm puas tau txog qhov uas koj muaj feem tau kev pab nyiaj poob haujlwm thiab yuav qhia txog qhov uas peb xam nyiaj tag nrho li cas thiaj haum qhov uas koj tsimnyog tau hauv tej lub limtiam.

TXWM PEB HLIS (Calendar Quarter):

Plaub txwm peb lub hlis hauv ib lub xyoos yog muaj li no:

Txwm 1 peb lub hli:   1 hlis 1 - 3 hlis 31
Txwm 2 peb lub hlis: 4 hlis 1 - 6 hli 30
Txwm 3 peb lub hlis: 7 hli 1 - 9 hlis 30
Txwm 4 peb lub hlis: 10 hli 1 - 12 hlis 31

TXOOS SIJHAWM PIB (Base Period):

Yog thawj 4 txwm ntawm 5 txwm peb lub hlis uas dhau los ua ntej lub limtiam uas koj pib thov pab rau xyoo tshiab. Yuav siv cov nyiaj haujlwm uas koj khwv tau hauv lub sijhawm no los xam seb koj puas tau nyiaj haujlwm txaus los tsimnyog thov pab thiab xam seb koj yuav tau pes tsawg. Cov txwm 3 hlis nram qab no yuav pab koj totaub txog tias peb xam raws txooj sijhawm txwm peb hlis los li cas. Plaub txwm 3 hlis uas zas ua dhoog dub ntawm tej kab rov tav yog cov txwm peb hlis pib rau qhov uas thov pab uas yog suav txij cov txwm 3 hlis uas nyob sab xis (zas dawb).

Piv xam li: Pib thov thaum lub 11 hlis, 2007 raws txooj sijhawm pib yog suav thaum lub 7 hlis tim 1, 2006 thiab xaus rau lub 6 hlis tim 30, 2007.

Yog koj tsis tau nyiaj haujlwm txaus los tsimnyog tau txais kev pab raws li uas siv cov txwm 3 hlis saum no, yuav siv "lwm txwm 3 hli" los xam nrog. Lwm txwm 3 hlis yuav yog plaub txwm 3 hlis uas nyuam qhuav dhau ua ntej lub limtiam uas koj mus ua ntaubntawv thov rau xyoo pab nyiaj tshiab.

LUB SIJHAWM UAS LUAG CIA:

Yog lub sijhawm nruabnrab txooj sijhawm pib thiab lub limtiam uas koj pib thov. Peb TSI SIV cov nyiaj haujlwm uas tau rau lub sijhawm hais los saum no los xam koj tej nyiaj pab. Txawm li ntawd los, koj siv tau cov nyiaj no los xam rau yav pem suab uas koj rov mus thov.  Raws li hais los saum toj no, lub sijhawm luag cia yog pib rau lub 7 hlis tim 1, 2007, thiab xaus rau hnub Saturday ua ntej lub limtiam uas koj pib thov.

TXOJ HAUJLWM UAS POVHWM DAUV THIAB TSI DAUV:

Txoj haujlwm uas povhwm dauv yog txoj uas tus tswv num raug tswj los ntawm kev cai lijchoj povhwm neeg ua haujlwm. Txawm li ntawd los, muaj ib txhia haujlwm "tsis suav nrog" (tsis muaj povhwm dauv) rau txawm yog tias tau ua rau tus tswv num uas muaj povhwm dauv los xij. Cov nyiaj uas khwv tau ntawm tus tswv num uas muaj povhwm dauv thiaj siv tau los xam ua nqi thov nyiaj poob haujlwm thiab yuav tau nyiaj npaum cas xwb. (Qhov uas hais txog txoj haujlwm uas tsis dauv thiab yuav tau li cas yog muaj nyob rau hauv Tshooj 9.)

TXWM 3 HLIS UAS SIAB:

Yog txwm sijhawm pib 3 hlis uas koj tau nyiaj haujlwm ntau los ntawm tus tswv num uas muaj povhwm dauv.

NYIAJ PAB NTAWM TEJ LUB LIMTIAM (WBR):

Cov nyiaj poob haujlwm uas them rau koj lub sijhawm uas koj tsis tau nyiaj ua haujlwm los yog lwm yam nyiaj hlo li. Nws yog 4% ntawm cov nyiaj ua haujlwm uas koj tau hauv txwm 3 hlis siab rau txoj haujlwm uas muaj povhwm dauv. Qhov uas tau nyiaj ntau thiab tsawg yog xam los ntawm UI tsab cai. Qhov tsawg ntawm WBR yog $53, uas yog tau los ntawm txwm 3 hlis siab uas tau nyiaj txog $1,325; thiab qhov ntau tshaj ntawm WBR yog $355, uas yog tau los ntawm txwm 3 hlis siab uas tau nyiaj txog $8,875.

Daim ntawv "Qhia Nyiaj Rau Txhua Lub Limtiam" yog ib daim qhia txog txhua tus nqi nyiaj them raws ib lub limtiam nrog rau tus nyiaj them ntau tshaj rau ntawm txwm 3 lub hlis. Daim ntawv qhia no muaj nyob rau hauv on-line (computer) (Hais lus Askiv xwb) chaw nyob yog http://dwd.wisconsin.gov/uiben/handbook/pdf/wbrcharth.pdf los yog hu tus xovtooj pab teb koj cov lus nug (information/assistance) nyob rau sab nraum phau ntawv.

TUS NYIAJ HAUJLWM UAS TSIMNYOG TAU:

Yog yuav kom tau nyiaj poob haujlwm koj yuav tsum tau nyiaj haujlwm los ntawm tus tswv num uas muaj povhwm dauv txog li 2 txwm 3 lub hlis hauv thawj txoos sijhawm pib. Koj yuav tsum tau

Koj qhov nyiaj haujlwm ntawm txooj sijhawm pib yuav tsis muab xam nrog cov nyiaj uas koj tus tswv num tshwj tseg rau kev siv tshwj xeeb rau (cafeteria plan). Koj muaj cai hais kom luag muab cov nyiaj tshem tseg tshwj xeeb no ntxiv rau koj cov nyiaj hauv txooj sijhawm pib los ntawm uas hu xovtooj mus rau tus neeg pab leg ntaubntawv.

XYOO TAU NYIAJ POOB HAUJLWM:

Koj li xyoo pib nyiaj poob haujlwm yog thaum uas koj pib ua ntaubntawv thov. Ib lub xyoos tau uas tau nyiaj pab yog 52 lub limtiam. Thaum lub xyoos tau kev pab twg xaus, lub limtiam uas koj rov pib thov ntxiv mus yog xyoos tau nyiaj pab tshiab. Nyob rau hauv 52 lub limtiam ntawm tej lub xyoos, nws muaj qhov uas koj cheemtsum tau kev pab txog pes tsawg. Qhov no hu tias "tus nrim nyiaj pab ntau uas koj tau" thiab piav txog qhov no nyob ntawm nplooj ntawv ntxiv mus. Cov nyiaj haujlwm uas koj khwv tau los ntawm lub xyoos uas koj thov nyiaj poob haujlwm yuav tsis nce koj cov nyiaj pab rau lub xyoos ntawd los yog rau lub limtiam ntawm lub xyoos koj thov nyiaj pab.

Koj yuav pib thiab xaus koj li nyiaj poob haujlwm pes tsawg zaus los tau los yog hauv lub xyoos uas koj tseem tab tom tau txais kev pab los xij, tabsis yog tias koj tso tseg tsis yuav pabcuam poob haujlwm lawm, koj yuav tsum tau rov ua ntaubntawv qhib dua los ntawm uas teb dua daim ntawv thov nyiaj poob haujlwm.

Piv xam li: Yog koj rov pib ua ntaubntawv thov dua rau limtiam uas yog lub 11/24/07, koj xyoos thov nyiaj poob haujlwm pib lub lub limtiam ntawd thiab xaus rau lub 11/15/08. Koj yuav tau tag nrho 52 lub limtiam los tau koj cov nyiaj poob haujlwm, uas yog yuav xam los ntawm qhov uas siv tus nyiaj haujlwm uas tau los ntawm txoos sijhawm pib uas yog lub 7/1/06 thiab xaus rau 6/30/07.

Yog koj rov mus ua haujlwm hauv lub 3 hlis xyoos 2007 thiab tseg tsis thov pab nyiaj ntawm txhua lub limtiam lawm, cov nyiaj uas koj khwv tau yuav tsis ua rau nce koj tus nyiaj poob haujlwm rau lub xyoos ntawd. Yog koj ho rov poob haujlwm ua ntej lub 11/16/08 thiab tsis tau koj cov nyiaj poob haujlwm tag nrho, koj muaj cai ua ntaubntawv rov qhib thov dua raws lub limtiam tuaj mus.

Yog tias koj tseem tsis tau muaj haujlwm ua los yog poob haujlwm mentsis tom qab uas koj xyoos thov nyiaj pab xaus rau lub 11/15/08, koj pib rov thov dua rau lub xyoos tshiab rau lub limtiam uas txuas ntawd mus. Yog yuav kom txais tau nyiaj rau lub xyoo tshaib, koj yuav tsum tseem muaj nyiaj (qualifying wages) txaus rho. (Siab ntxiv rau Tshooj 8 yuav qhia txog cov nyiaj no). Tus nyiaj uas tau tshiab no thiab tau li cas yog xam los ntawm koj tus nyiaj haujlwm uas khwv tau nyob rau hauv txwm 3 hlis tshiab uas yog pib lub 7/1/07 thiab xaus rau lub 6/30/08.

TUS NRIM UAS TAU NYIAJ POOB HAUJLWM SIAB TSHAJ PLAWS (MBA):

Yog tag nrho qhov nyiaj poob haujlwm ntau tshaj plaws uas luag them tau rau koj hauv ib lub xyoos. Nws yog feem tsawg ntawm 26 zaug hauv WBR, los yog 40% hauv tag nrho koj qhov txoos sijhawm pib ntawm koj cov haujlwm uas muaj povhwm dauv.

Siv koj qhov MBA ib yam li uas koj tus checking account. Xws li muab koj cov nyiaj poob haujlwm rho tawm hauv tus nyiaj uas luag them rau koj hauv MBA ces paub tias tseem tshuav li cas uas yuav tau ntxiv rau lub xyoos ntawd.

XAM PEEV NQI ZOG:

Yuav xa tej kev xam peev nyiaj pab tuaj rau koj tom qab uas koj tau ua ntaubntawv thov tag lawm. Daim ntawv xam peev nyiaj pab no yuav muaj qhia txog cov haujlwm uas muaj povhwm dauv nyob rau hauv koj txoos sijhawm pib thiab cov nyiaj haujlwm ua them rau koj hauv tej lub txwm 3 hlis ntawm koj cov tswv num. Nws tsuas muaj tib co tswv num uas siv tau lawv cov nyiaj haujlwm ntawm txoos sijhawm pib los xam peev seb koj yuav tau li cas xwb. Nws muaj 2 hom kev xam peev nyiaj pab li no:

Koj yuav tsum saib daim ntawv qhia txog kev xam peev nyiaj pab uas koj tau txais no kom pom tias yog tag huvsi lawm. Yog tso tus nyiaj haujlwm tsis yog lossis tsis muaj tus tswv num npe nrog, ces ua raws li cov lus taw qhia uas nyob sab nraum daim ntawv xam peev no los ua daim ntawv tso pom zoo.

XAM IB FEEM PEEV UI RAWS LIMTIAM THAUM QHIA TXOG COV NYIAJ HAUJLWM:

Yog thaum twg qhia cov nyiaj haujlwm ntawm tej lub limtiam rau hauv daim ntawv, yuav tsum muab tag nrho txhua yam nyiaj uas tau los (xws li nyiaj so koobtsheej, nyiaj so haujlwm, thiab nyiaj tso tawm haujlwm) ntxiv ua ke los xam tag nrho cov nyiaj uas khwv tau lub limtiam ntawd. Luag yuav siv tus "qauv txheeb ib feem peev" los txheeb seb puas yuav them tau ib feem UI thiab yog them tau no, yuav yog pes tsawg. Nws kuj keev tau ib feem nyiaj UI rau ib lub limtiam thiab txawm yog tias koj cov nyiaj haujlwm tag nrog ua ke tau ntau tshaj li cov nyiaj poob haujlwm ntawm tej lub limtiam (WBR).

Qhov uas "txheeb ib feem peev" ntawm cov nyiaj UI no yog muaj li nram qab no:

  1. Rho $30.00 tawm ntawm tus nyiaj haujlwm tag nrho.

  2. Muab cov seem khoo (multiply) rau 0.67 (67%).

  3. Rho qhov no (nrog cov nyiaj cents) tawm hauv koj qhov WBR.

  4. Muab cov nyiaj npib hloov mus rau qhov ze ib dollar. Qhov no yog ib feem nyiaj UI rau hauv lub limtiam.

CEEBTOOM: Tus nyiaj UI uas tsawg tshaj plaws uas yuav them ua chev yog $5.00, yog li ntawd yog koj muab xam los tau tsawg tshaj $5.00, ces yuav tsis them rau koj

Piv xam li: WBR=$200 Nyiaj tag nrho=$250

  1. $250.00 (Nyiaj tag nrho) rho $30 = $220.00

  2. $220.00 khoo rau .67 = $147.40

  3. $200.00 (WBR) rho $147.40 = $52.60

  4. Hloov $52.60 nqis mus ua $52.00

$52.00 no yog qhov nyiaj nqi zog uas them lub limtiam ntawd.

TUS NRIM NYIAJ SIAB TSHAJ PLAWS UAS KHWV TAU HAUV LIMTIAM:

Qhov nyiaj uas koj tau ntau kawg uas tseem muaj feem tau nyiaj poob haujlwm thiab yog hu ua "nrim nyiaj siab tshaj plaws uas khwv tau los." Tus nyiaj no zoo tsis sib npaug zos ntawm txhua tus neeg uas tau thov pab. Qhov nyiaj (WBR) yog qhov uas siv los luj txog seb tus nrim nyiaj siab tshaj plaws uas khwv tau los yog li cas. Koj yuav pom tias koj tau nyiaj li cas uas yog siab tshaj plaws ntawm lub limtiam yog:

  1. Rho $5.00 tawm hauv koj qhov WBR.

  2. Faib qhov uas tseem tshuav rau .67 (67%).

  3. Ntxiv rau $30.00.

Piv xam li: WBR= $200.00

  1. $200.00 (WBR) rho $5.00 = $195.00

  2. $195.00 faib rau .67 = $291.04

  3. $291.04 + $30.00 = $321.04

Tus nrim nyiaj uas khwv tau siab tshaj plaws rau WBR ntawm $200.00 yog $321.04. Qhov no txhais tau tias yog tag rho koj cov nyiaj uas khwv tau los ntau tshaj $321.04, ces yuav tsis them nyiaj poob haujlwm rau lub limtiam ntawd.

Yog koj paub tsis meej tias tsam koj tau nyiaj ntau hwv rau lub limtiam ntawd lawm es xyov puas yuav tau ib feem ntawm koj li UI, koj kav tsij ua ntaubntawv thov rau lub limtiam ntawd thiab qhia tag nrho koj cov nyiaj uas khwv tau los. Luag yuav xyuas seb puas tsimnyog koj tau.

Daim ntawv "Qhia Nyiaj Ntau Tshaj Rau Txhua Lub Limtiam" yog ib daim qhia txog txhua tus nqi nyiaj them ntau tshaj raws rau ib lub limtiam. Daim ntawv qhia no muaj nyob rau hauv on-line (computer) chaw nyob yog http://dwd.wisconsin.gov/uiben/handbook/pdf/mwecharth.pdf los yog hu tus xovtooj pab teb koj cov lus nug (information/ assistance) nyob rau sab nraum phau ntawv.

SAIB MEEJ TXOG KOJ COV NYIAJ UAS KHWV TAU LOS:

Muab cov nyiaj uas koj qhia hauv koj daim ntawv thov nyiaj poob haujlwm ntawm tej lub limtiam mus xyuas nrog koj cov tswv num tabsis yuav tsis tuav koj daim check nyiaj cia lub sijhawm uas tos koj cov tswv num qhia tseeb tuaj. Peb yuav them koj li UI raws li koj daim ntawv qhia xwb. Yog muaj ib tug tswv num qhia txawv li uas koj tau qhia hauv koj cov ntaubntawv, peb yuav siv koj tus tswv num daim los txheeb peev nyiaj pab rau koj. Peb yuav qhia rau koj paub tias peb hloov li cas lawm.

Thaum koj tus tswv num qhia tias koj tau nyiaj tsawg mentsis lawm los peb yuav xa check nyiaj tuaj ntxiv thiab yuav qhia tias yog li cas rau hauv daim (Form UCB-17I) uas piav txog daim check.

Thaum koj tus tswv num qhia tias koj tau nyiaj ntau mentsis lawm thiab tau them nqi poob haujlwm tshaj rau koj lawm, peb yuav xa daim ntawv qhia txoj xa nyiaj tshaj (Form UCB-37). Yog koj tsis pom zoo rau tus nyiaj uas tus tswv num qhia tuaj lossis tsis pom zoo ua raws li kabke thim nyiaj rov, ces ua raws li daim ntawv taw qhia tias koj tsis pom zoo.

TXO NYIAJ LAUS:

Yog koj tau txais daim ntawv qhia tias yuav txo koj tus nyiaj poob haujlwm vim yog koj tau nyiaj laus lawm, ces yuav cia li txo koj tus nyiaj poob haujlwm ntawm tej lub limtiam uas koj tau txais. (Saib Tshooj 9 qhia txog tias thaum twg nyiaj laus yuav cuam tshuam nyiaj poob haujlwm.)

TXO NYIAJ PAB MENYUAM:

Yog tau txais daim ntawv tsib txog nyiaj pab menyuam los ntawm ib lub tsev ceevxwm tsib nyiaj pab menyuam, peb yuav tsum tau qee nyiaj tawm hauv koj daim check los uas raws li qhov lus tsib no. Cov nyiaj uas qee tseg no yuav muab xa mus rau lub tsev ceevxwm tsib nyiaj pab menyuam kom lawv thiaj xa tau tawm. Yuav sau ntawv qhia koj paub thaum peb tau txais daim ntawv tsib cov nyiaj no. Yog koj tsis pom zoo txog tus nyiaj uas txiav lossis xav tias ua li no tsis yog lawm, hu rau lub tsev ceevxwm tsib nyiaj pab menyuam. Lub tsev ceevxwm tsib nyiaj thiaj muaj cai hloov qhov no nkaus xwb.

Phau Ntawv Rau Cov Thov Qhia Cov Tshooj Ntawv

Tshooj 9: Hais Txog Qhov Uas Tsimnyog Tau

Ntaubntawv tshiab ntxiv May 09, 2008
Phab Povhwm Kev Poob Haujlwm
Hu rau leejtwg txog cov ntaub ntawv no: benopnet@dwd.state.wi.us
Wisconsin.gov | Site Map | Search | Accessibility | Legal | Feedback | DWD Home