Rov pib dua >Povhwm Kev Poob Haujlwm > Phau Ntawv Rau Cov Thov Qhia Cov Tshooj Ntawv > Phau Ntawv Rau Cov Thov - Tshooj 7

Tshooj 7:  Nrhiav Haujlwm

THAUM TWG KOJ MAM NRHIAV HAUJLWM:

Koj yuav tsum nrhiav haujlwm txhua lub limtiam tsuas tshwj luag qhia tias koj kev nrhiav haujlwm raug "zam lawm" thiab tsis raug mus nrhiav haujlwm.

Koj yuav tsum mus cuag ob tug tswv haujlwm txhua lub limtiam yog luag hais kom koj mus nrhiav haujlwm.

Luag yuav qhia koj tias koj tsis tag mus nrhiav haujlwm yog tias koj twv yuav raug hu rov mus ua haujlwm rau ib tus tswvnum uas koj nyuam qhuav ua haujlwm tau tsi ntev losyog koj yog ib tug tswv cuab (zoo) nyob hauv ib lub koomtxoos haujlwm uas muaj kev cog lus xa neeg ua haujlwm rau (rooj tswj neeg poob haujlwm).

Tej zaum, koj yuav tsis raug nrhiav haujlwm yog tias koj ua haujlwm tsis puv sijhawm (part-time). Tsis txhob tso tseg tsis nrhiav haujlwm vim koj tau haujlwm tsis puv sijhawm (part-time) ua lawm. Hu rau tus neeg pab leg ntaubntawv seb koj qhov haujlwm tsis puv sijhawm no puas pub peb zam koj tsis mus nrhiav haujlwm.

Nco ntsoov, yog koj tsis nrhiav dejnum li uas tsim nyog, koj muaj feem tsis tau koj cov nyiaj pab.

DAIM NTAWV QHIA TXOG NRHIAV HAUJLWM TXHUA LUB LIMTIAM - FORM UCB-12:

Yog koj yuav tsum raug mus nrhiav haujlwm, luag yuav xa ib daim ntawv ceebtoom txog nrhiav haujlwm tuaj rau koj. Thawj sab ntawm daim ntawv no taw txog kabke nrhiav haujlwm, thiab tej yam uas siv los pab nrhiav.

Sab tom qab yog sau txog koj tej kev nrhiav haujlwm. Yog daim ntawv tsis txaus koj sau, ces muab dua ib daim ntawv los sau rau los yog rov laum ib daim ntawv txiv hauv on-line (computer) chaw nyob yog http://dwd.wisconsin.gov/dwd/forms/ui/ucb_12.htm. Nco ntsoov qhia txhua yam uas lawv nug txog.

Peb yuav raug hais kom saib xyuas koj daim ntawv nrhiav haujlwm, yog li yuav tsum khaws ntaubntawv zoo. Lam taug lam qhia tej yam tsis yog rau hauv koj daim ntawv teev txog kev nrhiav haujlwm yuav txhaum cai. (Saib Tshooj 10 hais txog tswj kev ua yuam cai.)

Sab tom qab yog sau txog koj tej kev nrhiav haujlwm. Yog daim ntawv tsis txaus koj sau, ces muab dua ib daim ntawv los sau rau los yog rov laum ib daim ntawv txiv hauv on-line (computer) chaw nyob yog http://dwd.wisconsin.gov/dwd/forms/ui/ucb_12.htm. Nco ntsoov qhia txhua yam uas lawv nug txog.

KEV PAB NRHIAV HAUJLWM:

Wisconsin muaj ntau qhov chaw nrhiav haujlwm nyob thoob plaws hauv xeev. Cov chaw nrhiav haujlwm no muaj ntau txoj hauv kev pab qhia nrhiav haujlwm xws li sau Resume, xam phaj haujlwm, nrhiav cov haujlwm uas keev muaj tabsis tsis tau xav txog li, thiab lwm txoj kev uas yuav pab nrhiav tau haujlwm. Lawv muaj haujlwm tawm txog li ntawm 80,000 txoj tauj ib xyoos. "JobNet" yog ib cov haujlwm uas tawm hauv computer uas koj yuav pom tag nrho cov haujlwm tawm nyob thoob plaws hauv xeev. Qhov Internet rau WI JobNet yog http://jobnet.wisconsin.gov. Yog xav paub qhov chaw nrhiav haujlwm hauv Wisconsin ua nyob ze koj tshaj, hu rau 1-888-258-9966 hu dawb xwb los yog mus saib hauv on-line (computer) (Hais lus Askiv xwb) chaw nyob yog http://www.wisconsinjobcenter.org/directory/. Yog koj nyob txawv xeev, xyuas koj phau xovtooj qhia saib qhov chaw nrhiav haujlwm uas nyob ze koj tshaj.

TXHEEJ TXHEEM ROV UA HAUJLWM:

Yog koj tsis muaj ib tus tswv num twg uas yuav hu koj rov mus ua haujlwm, koj yuav raug mus koom nrog tej nyuag txheejtxheem tshwjxeeb rau kev rov ua haujlwm dua uas yog npaj pab koj nrhiav haujlwm ua thaum koj nyuam qhuav tau txais nyiaj pab.

Yog koj raug xaiv los koom cov txheejtxheem no, yuav muab koj npe xa mus rau hauv qhov chaw nrhiav haujlwm. Qhov chaw nrhiav haujlwm ntawd yuav teem sijhawm rau koj mus nrog lawv sib tham es yuav khom kev pab rov nrhiav haujlwm ua haum li koj tej kev cheemtsum tau. Koom rau cov kev pab rov nrhiav haujlwm no yuav raug cov kabke nrhiav haujlwm uas koj muaj feem koom nrog. Txawm li ntawd los, mus koom rau lwm tus txheejtxheem nrhiav haujlwm ntawm tus kheej tsuas xam tau tias yog mus nrhiav haujlwm tib zaug xwb, yuav nyiam yog tias lub chaw rhiav haujlwm yog qhov uas tsa muaj tus txheejtxheem no los xij.

Thaum luag hais txoj koj lawm, koj yuav tsum tau mus koom rau cov kev rov nrhiav haujlwm no. Yog luag teem sijhawm rau koj mus ntsib qhov chaw rov nrhiav haujlwm es koj tsis mus, koj muaj feem yuav plam koj cov nyiaj poob haujlwm. Yog tias koj mus koom tsis tau los yog twb tu tsis mus koom ib lub lawm, hais rau lub chaw nrhiav haujlwm paub tam sim los teem dua sijhawm.

Phau Ntawv Rau Cov Thov Qhia Cov Tshooj Ntawv

Tshooj 8: Kev Xam Nyiaj Poob Haujlmw