Rov pib dua >Povhwm Kev Poob Haujlwm > Phau Ntawv Rau Cov Thov Qhia Cov Tshooj Ntawv > Phau Ntawv Rau Cov Thov - Tshooj 6

Tshooj 6:  Hais Txog Qhov Uas Tsimnyog Tau

Yam Uas Hais Txog Qhov Tsimnyog Tau Yog Dabtsi?

Yam uas hais txog qhov tsimnyog tau yog ib yam uas cuam tshuam rau kev li kev cai txog tias seb koj puas tsimnyog tau UI, thiab tsis muab, muab ncua tseg los yog txo koj qhov nyiaj poob haujlwm raws kev cai tswj kev povhwm poob haujlwm. Lawv yuav soj ntsuam txhua yam hais txog qhov uas puas tsimnyog tau rau tej uas koj thov pab ua ntej lawv yuav them UI rau koj.

Peb yuav tuav koj cov nyiaj tseg lub sijahwm uas peb txoj taug hais txog qhov uas puas tsimnyog tau no. Txawm li ntawd los, lub sijhawm uas peb tseem txoj taug no, nws tseemceeb uas koj tseem pheej yuav tsum niaj limtiam ua hu thov.

Yog luag kom koj hu rau tus neeg pab leg ntaubntawv hais txog qhov uas tsimnyog tau no, cia li hu tamsim. Yog koj tsis hu koj muaj feem plam tsis tau kev pab nqi zog.

Koj thiab tug tswv num nej ob leej yuav muaj ib lub sijhawm los piav qhia cov lus tseeb ua ntej lawv txaiv txim. Yog koj tsis hu losyog tsis muab cov ntaubntawv kom txhij raws li lub koom haum hais tseg, lossis koj tsis mus koom lub sijhawm lawv teem tseg rau koj ntawd, lawv yuav txaiv txim raws li cov ntaubntawv uas lawv muaj xws ua li ntawd tej zaum koj yuav tsis tau txais nyiaj povhwm poob haujlwm.

Tom qab kev txoj taug txog qhov uas puas tsimnyog tau no tag, ho yuav sau ntawv qhia rau koj paub tias lawv txiav txim li cas lawm.

Yog koj lossis koj tug tswv num rov hais dua txog daim ntawv txiav txim no, yuav tsum XIJ PHEEJ TSEEM UA NTAUB NTAWV THOV rau hauv tej lub limtiam uas koj tsis mus ua haujlwm los yog ua haujlwm tau nyiaj tsawg tshaj li uas koj txeev tau. Kev txiav txim yav pem suab es yog koj yeej ces koj xwv yuav tau nyiaj pab rau cov limtiam uas koj tau thov lawm.

Hom Yuav Ua Rau Koj Tsis Tau Kev Pab

Txawm tias koj twb tau nyiaj ntau huj sim lawm los ntawm txoj haujlwm uas muaj povhwm poob haujlwm dauv, los koj yuav tsis tau kev pab yog tias koj:

• tawm haujlwm yam tsis muaj qabhau dabtsi. UI li kev cai tshem koj nqi zog li 4 lub limtiam thiab txog thaum koj khwv tau 4 npaug hauv koj qhov WBR.
  
   
• raug rho tawm haujlwm vim ua tsis zoo. UI li kev cai rho tawm tug tswv num qhov nyiaj hauv txoos sijhwm pib tsis muab suav nrog koj qhov MBA thiab yuav tshem koj cov nyiaj pab txog 7 lub limtiam thiab txog thaum uas koj khwv tau 14 npaug tshaj koj qhov WBR.
  
   
• raug rho tawm vim koj tsis mus ua haujlwm los yog mus pib lig ntau zaum uas koj tsis hu qhia tug twsv num paub txog. UI txoj cai yuav tsis puab nyiaj pab rau koj ntev li ntawm 6 lub limtiam thiab txog thaum koj mus ua haujlwm es cov nyiaj them koj ntawd tshaj lis 6 zaum los ntawm koj cov WBR.
  
   
• tsis kam mus ua haujlwm yam tsis muaj qabhau dabtsi. UI li kev cai tshem koj cov nqi zog txog 4 lub limtiam thiab txog thaum uas koj khwv tau 4 npaug tshaj koj qhov WBR.
  
   
• tsis mus nrhiav haujlwm rau lub limtiam uas lawv hais tseg.
  
   
• ua haujlwm thaib ho thov pab thiab ho tsis ua haujlwm tag li muaj nyob rau hauv lub limtiam ntawd. UI li kev cai ntxiv cov nyiaj uas ntxim koj yuav khwv tau nrog koj cov nyiaj uas koj khwv tau los xam koj cov nyiaj pab. Yog hais tias koj tsis ua haujlwm tshaj 16 txoos teev tuaj ib lub limtiam twg lawv yuav tsis tsimnyog txai tau kev pab.
  
   
• ua haujlwm tau 40 txoos teev los yog tshaj los ntawm txhua tug tswv num hauv lub limtiam uas koj thov pab ntawd.
  
   
• ua haujlwm thiab thov nyiaj pab rau lub limtiam uas koj yuav tau nyiaj haujlwm li 35 txoos teev rau ib tug tswv num uas them 80% los yog tshaj koj qhov nyiaj haujlwm ntawm txoos sijhawm pib, thiab koj li nyiaj haujlwm lub limtiam ntawd sib npaug zog los yog ntau tshaj qhov uas tug tswv num ntawm txwm 3 hlis siab ntawm txwm 3 hlis qis.
  
   
• ua tsis tau haujlwm los yog tsis khoom ua haujlwm ib lub limtiam. Lub Koom Haum yuav tshuaj xyuas tej yam haujlwm uas txwv tsis pub koj ua los yog tsis muaj kev xyeej ua. Yam ntxwv yog li ntawm no, tiamsis tsis tas no xwb, cov teev ua haujlwm koj ua tau, cov haujlwm uas koj ua tau thiab seb koj mus ua deb lossis ze li cas xwb. Txawm hais tias koj twb yeej ua haujlwm lawm los lawv tsheej muaj txoj cai tsi pub nyiaj rau koj vim koj ua tsis tau haujlwm full-time.
  
   
• tsis ua haujlwm vim yog muaj tawm tsam haujlwm los yog hais dejnum tsis haum, uas tsis yog los ntawm kev kaw haujlwm. Cov neeg ua haujlwm uas tsis koom nrog kev tawm tsam haujlwm tabsis cia li tsis muaj haujlwm ua vim yog tej ntawd, kuj muaj feem uas yuav tsis tau thiab. Yog koj ua haujlwm rau txoj haujlwm uas muaj povhwm dauv tom qab uas pib tawm tsam thiab koj li nyiaj haujlwm yog tsimnyog tau raws li pab los ntawm txoj haujlwm ntawd, tej zaum koj kuj yuav kev pab rau lub sijhawm uas tseem tabtom tawm tsam ntawd thiab.
  
   
• ua haujlwm rau tsev kawmntawv lub sijhawm uas muaj kawmntawv. Koj tsis muaj feem tau nyiaj poob haujlwm yog ua haujlwm raws caij kawmntawv xwb los yog raws xyoo kawmntawv yog koj paub tias koj yuav tau rov mus ua haujlwm li qub tom qab so ntawv tag los yog rov pib ntawv xyoo ntxiv mus. Peb them tau rau lub sijhawm li no los tsuas yog siv lwm tus tswv num li them xwb thiab yog koj tau nyiaj haujlwm uas muaj feem thov tau kev pab thiaj pab tau los ntawm lwm tus tswv num nkaus xwb.
  
   
• yog tsev neeg li tuam txhab lag luam them nyiaj haujlwm rau koj, uas yog koj los yog koj tus txheeb ze ua tug tswv los yog koj tsev neeg ntawd them nyiaj txoos sijhawm pib. Koj tus nrim nyiaj uas tau siab tshaj plaws yuav raug txo kom qis. Thaum peb txheeb koj li MBA, qhov nyiaj haujlwm uas siv tsev neeg lub tuam txhab lag luam li nyiaj them tsis pub dhau 10 zaug ntawm WBR ntawm tus tswv num ntawd. Qhov no los kuj yuav muab tim tau rau tug neeg uas nrog koj ua lag luam ua ke, tsuas yog yuav saib seb koj feem txheeb ze rau qhov no yog li cas xwb.
  
   
• tes haujlwm uas tsis zwm rau. Tes haujlwm uas tsis zwm rau yog tes haujlwm uas tsis dauv los ntawm Wisconsin li UI txoj cai. Lawv yuav tsis them koj los ntawm cov haujlwm no. Tej yam pivtxwv txog cov haujlwm no yog muaj:

Thov Povhwm Poob Haujlwm Thaum Tseem Yog Ib Tug Tub Kawm Ntawv: Koj yuav tsum qhia lawv puab yog hais tias koj yog ib tug tub kawm ntawv rau lub sijhawm uas koj thov nyiaj povhwm poob haujlwm no. Lawv mam nug xyuas seb koj puas yuav tau mus nrhiav haujlwm. Tej zaum yog koj tseem kawm ntawv koj yuav tsis tas muas nrhiav haujlwm yog lawv xam hais tias yam koj kawm ntawd yog ib yam uas lawv “pom zoo rau koj kawm.”

Txo Nyiaj Laus

Koj yuav tsum hais rau peb paub txog cov nyiaj laus uas koj tseem tau, nyuam qhuav tau tsis ntev no los yog tseem yuav tau. Nyiaj laus yog nyiaj ua ntau zaum them tuaj rau koj (ib yam lis nyiaj hlis) thiab nyiaj ua ib zaum them rau koj los ntawm cov nyiaj laus so haujlwm, pension, annuities, 401(K)’s, 403(b)’s, 457(b)’s, thiab Nyiaj Laus Ntawm Railroad. Nyiaj social security tsis xa hias tias yog nyiaj laus.

Yog tug tswv num them tas nrog losyog ib feem ntawm cov nyiaj laus rau koj, cov nyiaj yuav muab raug txiav tawm hauv cov nyiaj them poob haujlwm.

Yog tas nrog losyog ib feem ntawm koj cov nyiaj laus los ntawm tib tug tswvnum xwm, koj cov nyiaj limtiam yuav tsum raug txo kom tsawg.

Yog koj tau txais nyiaj laus (xws li them raws hli) los ntawm ib tug tswv num, lawv yuav txiav nyiaj saib raws cov nyiaj them ntawm nyiaj poob haujlwm. Cov nyiaj yuav txiav tawm rau txhua lub limtiam txog ntawm cov nyiaj Railroad Retirement yog yuav txiav tawm 50% ntawm cov nyiaj laus them tuaj rau koj ntawd.

Yog koj tau txais ib cov nyiaj laus los ntawm ib tug tswv num, tug tswv num feem nyiaj ntawm koj qhov nyiaj laus no muaj feem cuam tshuam rau koj cov nyiaj povhwm poob haujlwm xam rau ntawm cov nyiaj uas tug tswv num twg tau them xwb. Lub Koom Haum yuav tsum muab cov nyiaj no faib rau txhua lub limtiam uas yuav txiav tawm ntawm koj cov nyiaj poob haujlwm txhua lub timtiam. Cov nyiaj txiav no yuav npaum lis cov nyiaj koj tug tswv num tau them koj rau ib lub limtiam twg. Yog koj muab cov nyiaj no mus tso ua nyiaj laus tsis pub dhau 60 hnub uas koj tau txais ntawd no ces peb yuav tsis txo koj cov nyiaj kom tswag. Koj yuav tsum qhia rau peb paub txog yog hais tias koj no hos tau txais nyiaj los ntawm lis lub koomhaum tuav nyiaj laus.

Yog koj zoo siab so haujlwm (voluntary retirement) no tej zaum peb yuav xav hais tias yog koj tawm haujlwm xwb. Qhov no yuav ua rau koj txais tsis tau nyiaj laus.

Saib Seb Puas Muaj Cai Ua Haujlwm

The Immigration Reform and Control Act of 1986 (P.L. 99-603) hais kom txhua tug tswv num yuav tsum saib seb txhua tug tub num tshiab puas muaj cai ua haujlwm. Thaum ib tug tswv num txais koj ua haujlwm, tug tswv num tseev kom koj qhia qho yam ntaubntawv kom paub koj li ntawv plhu thiab feem cai uas koj ua tau haujlwm. Yog koj muab tsis tau tej ntaubntawv no rau koj tug tswv num li txoj cai, koj tug tswv num yuav tso koj tawm haujlwm. Yog koj tsis muaj tej ntaubntawv no rau tug tswv num thiab rau qhov chaw saib xyuas povhwm poob haujlwm ces nws yuav cuam tshuam koj li nyiaj UI.

Phau Ntawv Rau Cov Thov Qhia Cov Tshooj Ntawv

Tshooj 7: Kev Txumloom Thiab Kev Tswjhwm Zoo

Wisconsin.gov | Site Map | Search | Accessibility | Legal | Feedback | DWD Home