Rov pib dua >Povhwm Kev Poob Haujlwm > Phau Ntawv Rau Cov Thov Qhia Cov Tshooj Ntawv > Phau Ntawv Rau Cov Thov - Tshooj 5

Tshooj 5:  Ua Ntwav Thov Txhua Lub Limtiam

DAIM NTAWV THOV TXHUA LUB LIMTIAM YOG DABTSI?

Daim ntawv muaj cai thov txhua lub limtiam yog ib daim ntawv uas koj ua los thov raws limtiam thaum koj xav tau nyiaj poob haujlwm rau lub limtiam ntawd. Daim ntawv thov raws limtiam no yog pib hnub Sunday thiab xaus rau hnub Saturday.

Koj yuav tsum ua daim ntawv thov pab txhua lub limtiam ua ntej koj tau cov nyiaj
poob haujlwm raw lub limtiam.

THAUM TWG MAM UA THOV:

Koj yuav tsum ua daim ntawv thov pab txhua lub limtiam tsis pub dhau 14 hnub ntawm lub limtiam xaus hauv calendar uas koj tau thov kev pab, tabsis tsis pub koj hu thov rau ib limtiam twg tom qab lub limtiam ntawd xaus. Cov sijhawm ua haujlwm los pab koj thov no muaj nyob sab nraum phau ntawv no. Nyob rau hnub Sunday koj yuav hu nkag nyuaj hu xovtooj vim muaj neeg coob hu tuaj rau hnub ntawd.  Thov hauv on-line (computer) tej zaum yuav sai dua.

Yog koj muab lus tsis tag thaum koj hu thov pab txhua lub limtiam, luag yuav tsis txais koj cov ntaubntawv thov hauv xovtooj tiamsis luag yuav xa ib tsabntawv nrog tus xovtooj rau koj rov hu mus ua cov ntaubntawv kom tiav rau txoj kev thov nyiaj. Koj yuav tsum hu mus rau tus xovtooj ntawd tsi pub dhau 14 hnub tom qab koj tau txais tsabntawv no.

Tseemceeb

Luag yuav tsis pub koj ua daim ntawv thov pab txhua lub limtiam no yog tias zaum uas koj thov tag los twb tshaj 14 hnub lawm. Thaum zoo li no koj yuav tsum rov leg ntaubntawv los "qhib" koj tej ntaubntawv thov dua. Koj rov ua tau li no hauv on-line los yog hu xovtooj thov raws li cov xovtooj uas qhia nyob sab nraum npau ntawv no.

Koj yuav tsis tau txais kev pab txog thaum uas koj rov thov dua. Yog yuav kom tsim plam kev pab, cia li thov thawj lub limtiam uas koj xav tau kev pab ntawd los yog nyob rau hauv 7 hnub ntawm lus limtiam ntawd.

NPAJ UA NTAWV THOV TXHUA LUB LIMTIAM LI CAS:

Npaj koj tus social security number thiab koj tus lej ntawv plhu (PIN) kom txhij thaum koj hu thov nyiaj rau txhua lub limtiam. Yog koj tsis nco tu lej ntawv plhu (PIN) uas koj ib txwm siv los ua koj cov ntaubntawv, koj yuav tsum hloov dua tus lej tshiab ntawv plhu (PIN) ua ntej koj hu xovtooj thov. [Saib Tshooj 3 hais txog qhov uas hloov koj tus lej ntawv plhu (PIN).]

Yog koj hu lub xovtooj uas muaj lus nias luag hu tuaj (call-waiting), muab lub ntawd tua mam hu thov nyiaj.

YAUV UA NTAWV THOV TXHUA LUB LIMTIAM LI CAS:

Yog thov nyiaj pab rau txhua lub limtiam koj thov tau rau huav on-line (computer) chaw nyob yog www.ucclaim-wi.org los yog hu xovtoov raws li nraum phau ntawv no. Luag yuav qhia koj seb koj thov tau rau lub limtiam twg los ntawm uas qhia hnub uas pib thiab xaus ntawm lub limtiam ntawd. Yog 2 lub limtiam uas dhau lawm los thov tau tibsi ces luag yuav lees thawj lub limtiam ua ntej tso. Tom qab ntawd, luas yuav qhia koj thov rau lub limtiam uas nyuam qhuav dhau tsis ntev ntawd. Luag kuj yuav qhia ntxiv yog tias tsis pub koj thov rau lub limtiam twg.

Muaj txoj kabke uas koj yuav siv tau los ua daim ntawv thov pab raws txhua lub limtiam. Luag yuav qhia seb koj siv tau qhov twg. Muaj lus qhia txog ob qho no nyob ntawm nplooj ntawv txuas ntxiv no mus. Txawm koj yuav siv qhov twg los xij, siv sijhawm los teb txhua lo lus nug thiab teb kom raug. Koj yuav raug plua yog tias koj teb tsis ncaj kom tau nyiaj pabcuam xwb.

Txoj kabke uas txeev siv: Yog koj siv txoj kabke uas txeev siv los lawm los thov nyiaj, koj yuav tsum tau teb ib cov lus nug txog rau lub limtiam uas koj thov pab ntawd. Cov lus nug uas luag yuav nug koj muaj nyob rau sab ntawv peb daim ntawv tom ntej yuav los no.

Kabke "Thov Kev Pab Sai": Kabke "thov kev pab sai" no yeej pab tau sai mentsis. Thaum koj tau ua ntawv thov ib zaug uas yog siv qhov kabke uas txeev siv los lawd, luag xyuas saib koj puas yuav siv tau qhov uas thov kev pab sai no rau limtiam pem suab. Yog ua tau, luag yuav luam koj cov lus qub uas koj teb rau luag zaum tag los. Nws yuav muaj ib cov lej 6 tus nyob ua ke los qhia meej txog qhov no. Thaum koj ua ntawv thov rau lub limtiam tom ntej no, luag yuav nug seb koj cov lus teb rau lub limtiam no puas zoo ib yam li cov uas teb lub limtiam tag los lawm.  Yog koj teb tias "YOG," ces luag kom koj ntaus cov lej uas nyob ntawm koj daim ntawv thov limtiam dhau los lawm. Txhua limtiam twg luag muab ib cov lej txawv rau koj. Yog yuav thov kev pab sai koj yuav tsum muaj cov lej no nyob ntawm daim ntawv thov lub limtiam tag los lawv.

Yuav tsis xa koj daim ntawv thov lub limtiam tag los rau koj thiab koj yuav siv tsis tau qhov uas thov kev pab sai yog muaj li no:

• koj qhia tias tau nyiaj haujlwm thiab lwm yam nyiaj,

• koj hloov chaw nyob, los yog

• koj teb tej yam uas qhia tias xyov koj puas tsimnyog tau.

Koj yuav ua ntawv thov pab sai tsis tau txawm yog koj tau txais daim ntawv uas tau thov limtiam tag los lawm:

• tej lus teb uas koj hais limtiam no zoo txawv li tej lus teb uas koj hais limtiam tag los,

• koj tsis muaj tus lej nyob ntawm daim ntawv uas koj thov lub limtiam tag los, los yog

• hloov ib qho txij thaum xa daim ntawv lawm ua rau txiav tsis pub thov pab sai.

Yog koj siv tsis tau qhov uas thov pab sai no, ces siv qhov uas txeev siv los lawv los ua koj tej ntawv thov ntawm tej lub limtiam.

THOV ON-LINE (COMPUTER) (HAIS LUS ASKIV XWB) LI CAS:

Chaw nyob yog www.ucclaim-wi.org. Koj thov tau nyiaj pab rau txhua lub limtiam.

Ua raws cov lus nug hauv web pages thiaj li tiav. Koj li ntawbntawv xa tsis tiav yog lawv tsi teb rau koj tias txais tau koj cov lus thov lawm.

Koj yuav tau teb ib cov lub nug raws lub limtiam ua koj thov tau nyiaj pab ntawd. Feem ntau cov lus nug no yog teb tias yog thiab tsis yog no xwb. Nug ib qho teb ib qho ua ntej yuav nug ntxiv. Yog teb tias YOG (YES), yuav tsum xaiv (click) YOG. Teb tias TSI YOG (NO) yuav tsum xaiv (click) TSI YOG. Yog koj tsis paub los lus nug ntawd txhais li cas, xaiv (click) los lus ntawd lawv yuav qhia pab koj.

Teb cov lus nug kom tiav thiab qhia qhov tseeb. Yog qhia tsis tseeb koj yuav raug nplua.

HU XOVTOOJ THOV LI CAS:

Yog hu xovtooj thov nyiaj pabcuam txhua lub limtiam, siv ib tus xovtooj qhia nyob nraub qaum phau ntawv no.

Ua raws cov lus qhia hauv xovtooj thaum koj thov cov nyiaj rau ib lub limtiam twg. Koj txoj kev thov yuav tsis tiav txog thaum luag xa tsabntawv tuag qhia rau koj paub meej.

Koj yuav tau teb ib cov lus nug txog rau lub limtiam uas koj thov nyiaj pab ntawd. Muaj ntau cov lus nug yuav teb tias yog lossis tis yog xwb. Yuav tsum teb ib lus tas mam rov pib teb dhua ib lus nug. Yog koj teb tias “Yog,” nias Y (leb 9). Yog koj tias “Tsi Yog,” nias N (leb 6).

Teb cov lus nug kom tiav thiab qhia qhov tseeb. Yog qhia tsis tseeb koj yuav raug nplua.

Yam Tseemceeb Uas Yuav Tau Nco

Tag nrho cov lus nug uas nug txog lub limtiam uas koj thov kev pab. Piv xam li, thaum nug tias koj tawm haujlwm los tsis yog, nug seb puas yog koj tawm lub limtiam uas koj thov pab. Yog koj tsis tau tawm li ntawd, teb tias "TSIS TAU" (NO).

Thaum hais kom koj teb ib qho lus rau hauv xovtooj, thov hais qeeb log thiab hais meej, thiab hais ib tus tsiaj ntawv zuj zus rau tej lo lus uas zoo txawv txawv.

KOJ YUAV RAUG NUG COV LUS NUG NO THAUM KOJ SIV COV KABKE UAS TXEEV SIV LOS LAWM:

Koj puas mus ua tau haujlwm puv sijhawm (full-time) thiab muaj caij ua haujlwm puv sijhawm (full-time)?

• Teb tias "YOG" (YES) yog tias koj ua tau haujlwm puv sijhawm (full-time) yog muaj haujlwm qhib txais rau koj ua.
  
  

• Teb tias "TSI YOG" (NO) yog tias koj ua tsi tau haujlwm puv sijhawm (full-time) vim tias koj ua tsi tau tim dag zog los yog koj tsi koom ua haujlwm. Piv xam li, koj txais ua tsi tau haujlwm rau tus tswv num ntawd (suav txog rau koj tus qub tswv num tibsis) vim tias koj muaj mob los yog raug mob, mus so (vacation), tsi muaj lub tsheb mus ua haujlwm, tsi muaj tib neeg zov koj cov menyuam, los yog muaj li yam ua rau koj mus ua tsi tau haujlwm.

Koj puas tau nrhiav haujlwm tshaj ob tus tswvnum rau hauv ib lub limtiam twg? (Lo lus nug no tsi yog nug seb koj puas raug zam tsi nrhiav haujlwm.)

Nyob hauv lub limtiam, koj puas tau tsis kam mus ua haujlwm thaum luag muaj haujlwm rau koj ua los yog teem sijhawm rau koj mus ua haujlwm es koj tsis mus?

• Yog muaj, luag yuav nug koj seb koj puas tau tsis kam ua txoj haujlwm uas luag muab rau koj ua. [Teb tias "YOG" (YES) rau lo lus nug no yog tias koj tau tsis kam lees txoj haujlwm uas tus tswv haujlwm uas koj tsis tau ua haujlwm rau nws li muab rau koj ua.]
  
  

• Ntxiv mus luag yuav nug seb koj puas tau tsis mus ua haujlwm es twb teem tau rau koj lawm. (Teb tias "YOG" (YES) rau lo lus nug no yog koj tsis tau ua puv cov sijhawm uas koj tus tswv num tamsim no khom koj ua.)

Nyob hauv limtiam, koj puas tau tawm haujlwm los yog raug rho tawm haujlwm?

• Teb tias "YOG" (YES) yog tias koj tau tawm haujlwm, pom zoo cia tswv num rho koj tawm haujlwm, cia li tawm haujlwm los yog koj raug rho tawm haujlwm tsi pub ua haujlwm txiv, los yog raug rho tawm haujlwm (fired) rau tej yam txawv tsi vim tias tsi muaj haujlwm rau koj ua lawm.

Ntxiv mus yuav nug seb koj puas tau tawm haujlwm, teb tias "YOG" (YES) yog tias koj tau tawm koj txog haujlwm lawm.

Ntxiv mus yuav nug seb koj puas raug rho twam koj txog haujlwm (fired), teb tias "YOG" (YES) yog tias koj rau rho tawm koj txog haujlwm.

• Teb tias "TSI YOG" (NO) yog tias koj tau tawm haujlwm vim txoj haujlwm tas lawm.

Koj puas tau ua haujlwm hauv lub limtiam?

• Yog tau, luag yuav nug seb koj puas tau ua rau ntau tshaj ib tug tswv num hauv lub limtiam ntawd.
  
  

• Ntxiv mus, luag yuav nug seb koj puas tau ua haujlwm li 40 txoos teev lossis tshaj hauv ib lub limtiam.
  
  

• Ces luag yuav kom koj qhia tag nrho koj cov nyiaj ua haujlwm ntawm txhua tus tswv num. (Nrog rau nyiaj haujlwm taum muaj mob thaib nyiaj txhawb zog tabsis tsis xam nyiaj so koob tsheej, nyiaj so haujlwm thiab tso tawm haujlwm uas them li yog nqi zog.)
  
  

• Tom qab luag rau koj cov nyiaj tag, tej zaum luag yuav hais kom rau tag nrho koj cov txoos teev thiab feeb sijhawm uas koj ua haujlwm ntawm tej tus tswv haujlwm. (Tsuas yog qhia tib cov txoos teev/feeb ua haujlwm nkaus xwb.)
  
  

• Ces luag keev yuav kom koj hais tag nrho tej tus tswv num lub npe thiab chaw nyob.
  
  

• Tej lus qhia kom koj tso cov txoos teev/ feeb, nyiaj haujlwm thiab lwm yam nyiaj uas tau los muaj nyob tom qab cov lus nug no.

Koj puas tau txais, los yog puas yuav tau txais, nyiaj so koobtsheej, nyiaj so haujlwm lossis nyiaj tawm haujlwm hauv lub limtiam?

• Yog tau, luag yuav nug kom tso tag nrho cov nyiaj ua tau ntawm tej qhov uas luag them koj ntawm tej tus tswv num.
  
  

• Ces luag keev yuav kom koj hais tag nrho tej tus tswv num lub npe thiab chaw nyob.
  
  

• Tej lus qhia kom koj tso cov txoos teev/feeb, nyiaj haujlwm thiab lwm yam nyiaj uas tau los muaj nyob tom qab cov lus nug no.

Koj puas ua haujlwm rau koj tus kheej (self-employed)?

• Teb tias "YOG" (YES) yog tias koj ua haujlwm rau koj tus kheej (self-employed) los yog koj yog ib tus tswv num, piv xam li ua teb (farm), koom khaiv kev ua lag ua luam nrog li tus (partnership, LLC, los yog corporation).
  
  

• Teb tias "TSI YOG" (NO) yog tias koj muag Avon, Amway, tais diav (tupperware), los yog lwm yam. Cov num no yuav xam tias yog kev ua lag ua luam cev koj yuav tsum qhia tias yog nyiaj ua haujlwm no. [Tiamsis, yog koj xam tias cov num no yog kev ua lag ua luam rau koj tus kheej (self-employed) xwb no teb tias "YOG" (YES) lawv mam hu tuaj rau koj tham txiv txog qho no.]

Yog koj tsi tau hloov chaw nyob, nias 1. Yog koj hloov chaw nyob lawm tabsis tsis tau qhia chaw nyob tshiab rau peb, nias 2. (Yog nias 2, luag yuav hais kom koj tso koj tus zip code thiab xovtooj. Ces luag yuav kom koj hais qhov chaw nyob tshiab.)

Thaum qhia tias koj tau haujlwm thiab Tau Nyiaj Lawm:

Thaum ua ntawv thov raws limtiam, koj yuav tsum teb tias "YOG" (YES) rau lo lus nug no yog koj tau ua haujlwm lub limtiam ntawd lawm.

Ib lub "Limtiam" no yog dabtsi?  Lub limtiam uas suav ua kev poob haujlwm yog pib hnub Sunday thiab xau rau hnub Saturday. Yog koj pib ua haujlwm rau hnub Saturday thiab xaus hnub Sunday, cov txoos teev ua haujlwm thiab nyiaj tau los thaum ntawd yuav tsum muab qhia rau hauv koj daim ntawv thov pab raws lub limtiam ntawd suav hnub Saturday nrog tibsi.

Txoos Teev. Qhia tib cov txoos teev thiab feeb uas koj tau ua haujlwm lub limtiam ntawd xwb.

Nyiaj Haujlwm. Tag nrho cov nyiaj haujlwm uas koj ua lub limtiam ntawd tsis hais full-time lossis part-time. Nrog rau nyiaj ntsuab, nyiaj pub, nyiaj khiab zog, "ua zog txhawm nqi" (working off a bill), etc. Nyiaj haujlwm kuj yog tej nyiaj uas luag them rau koj xws li them rau hnub mob, them kho thaum ua haujlwm raug mob, thiab nyiaj tau tshaj los los yog nyiaj koom peev. Cov nyiaj no yuav tsum qhia rau lub limtiam uas khwv tau ntawd, txawm luag yuav tsis tau them txog lub limtiam tom qab los xij. (Ceebtoom: tsis txhob qhia cov nyiaj so haujlwm, nyiaj so koob tsheej thiab nyiaj tso tawm haujlwm nrog koj cov nyiaj khwv tau los. Luag yuav nug cov nyiaj no tuaj tom qab.)

Nws yeej hais tsis meej tias yog li cas thiab lub sijhawm twg mam qhia qho yam nyiaj haujlwm. Cov lus khom nram qab no yuav pab koj qhia tej nyiaj haujlwm no kom yog.

• Nyiaj Them Kho Thaum Ua Haujlwm Raug Mob hauv ib nrab limtiam yuav tsum tau qhia tias yog nyiaj haujlwm rau hauv daim ntawv thov nyiaj lub limtiam ntawd. Yog koj tau nyiaj Them Kho Thaum Ua Haujlwm Raug Mob tag nrho hauv ib lub limtiam, ces nug tus pab leg ntaubntawv kom qhia ntxiv.
   
• • Nyiaj Dej Siab Los Yog Nyiaj Koom Peev yuav tsum muab qhia rau hauv daim ntawv thov rau txhua lub limtiam ntawm lub limtaim uas koj tsim nyog tau cov nyiaj dej siab no.
   
• Nyiaj Khiab Zog. Nws muaj nws kev qhia tshwj xeeb rau cov nyiaj ua yog nyiaj khiab zog no. Koj yuav tsum tau qhia tias koj ua haujlwm txawm yog tias koj tsis tau nyiaj khiab zog los xij. Yog tau nyiaj khiav zog, yuav tsum qhia rau hauv koj daim ntawv thov pab ntawm tej lub limtiam, xws li tso rau lub limtiam uas koj muag khoom es tau qhov nyiaj ntawd. Yog koj pib txoj haujlwm uas them nyiaj khiab zog li uas nyiaj haujlwm los yog ib feem nyiaj haujlwm, koj yuav tsum hais rau luag ua ntej uas koj ua ntawv thov pab. Siv tus xovtooj pab teb koj cov lus nug (information/ assistance) nyob rau sab nraum phau ntawv no thiab nias 0 nrog tus neeg pab sib tham.

Koj yuav tsum tau qhia txhua yam haujlwm, cov txoos teev ua haujlwm, thiab nqi zog huv si. Yog tsis ua li hais yuav tau nqi pab ntau thiab raug nplua ntau, nrog rau raug txim.

Muaj qee yam haujlwm yuav tsis raug suav tias yog "haujlwm" thiab tej nyiaj txiag uas khwv tau los yuav tsis xam tias yog nyiaj haujlwm. Tsis txhob qhia cov nram qab no tias yog "haujlwm" rau hauv koj cov ntawv thov nyiaj pab raws limtiam, thiab tsis txhob qhia cov nyiaj uas khwv tau ntawm cov haujlwm no:

• Kev ua haujlwm rau tus kheej
• Ua haujlwm pub dawb tua hluav taws thiab pab thauj muaj neeg mob ti teg ti taw (EMT). (Yog koj tsis paub tseeb seb cov haujlwm koj uas puas yog haujlwm “pab dawb,” hu rau tus neeg pab leg ntaubntawv tham.)
• Tus Neeg Mloog Plaub Ntug (Tej nyiaj uas tsev txiav plaub khiab yuav qhia tsis tau; yog koj tau nyiaj los ntawm koj tus tswv num lub sijhawm uas koj mus ua Tus Neeg Mloog Plaub Ntug, cov nyiaj no yuav tsum tau qhia.)
• Cov tub rog uas nyob tos xwb (inactive) thiab cov tub rog nyob rau hauv tshavrog (military reserves) rau lub xeev Wisconsin National Guard (xws li, ua haujlwm weekend xwb).

Nyiaj Laus. Koj yuav tsum qhia rau peb puab yog hais tias koj hos thov losyog hos tau txais nyiaj laus (retirement), tiamsis hos tsis xam hais tias yog nyiaj haujlwm thaum uas koj qhia koj cov nyiaj limtiam rau peb paub. Nyiaj laus yog nyiaj them rau koj thaum koj laus es ua tsis tau huajlwm lawm, losyog lis yam nyiaj xwm li pensions, annuities, 401(k)’s, 403(b)’s, 457(b)’s, thiab Railroad cov nyiaj laus. Nyiaj mus rau sab social security tsis xam hais tias yog nyiaj laus. Yog tias tau xam nrog rau koj cov nyiaj poob haujlwm, koj yuav tsum qhia yog tias koj tau txais ib cov nyiaj laus hais tseg no. Koj cov nyiaj them poob haujlwm txhua lub limtiam tej zaum yuav raug txiav yog tias koj txias nyiaj laus thiab. (Siab tshooj 9 qhia ntxiv txog nyiaj laus tawm txiav.)

Lus qhia txog lwm yam nyiaj uas tsi hais nyob hauv phau ntawv rau cov thov no koj mus saib rau hauv on-line (computer) chaw nyob yog http://dwd.wisconsin.gov/uiben/other_incomeh.htm losyog hu tus xovtooj pab teb koj cov lus nug (information/assistance) nyob rau sab nraum phau ntawv.

Nyem Qhov No Mus Saib: 
"Yuav Qhia Ib Theem Zuj Zus Hais Txog Lum Yam Nyiaj Txiag Tau Los Uas Tsis Hais Txog Nyob Rau Hauv Phau Ntawv Rau Tus Thov"

Nyem Qhov No luam daim ntawv: 
"Yuav Qhia Ib Theem Zuj Zus Hais Txog Lum Yam Nyiaj Txiag Tau Los Uas Tsis Hais Txog Nyob Rau Hauv Phau Ntawv Rau Tus Thov" (PDF, 41kb)

THAUM TWG THIAJ QHIA TXOG TIAS KOJ TAU TXAIS NYIAJ SO KOOBTSHEEJ, SO HAUJLWM LOS YOG NYIAJ TSO TAWM HAUJLWM:

Muaj ib cov lus yuav nug koj seb koj puas tau los yog tseem yuav txais nyiaj so koobtsheej, so haujlwm, los yog nyiaj tso tawm haujlwm (severance los yog termination) rau lub limtiam koj thov. Vim tias cov nyiaj no yeej ib txwm muaj, ces nws tsis raug qhia nrog koj cov nyiaj haujlwm.

Yog muaj cov nyiaj no nrog rau hauv koj cov nyiaj uas tau thov txog hauv lub limtiam lawm, koj yuav tsum tau teb tias "YOG" (YES) thiab qhia tag nrho tej yam nyiaj uas them ntawd. Nyiaj so koobtsheej, so haujlwm thiab tso tawm haujlwm yuav tsum tau qhia rau lub limtiam uas tau txais, txawm tias koj yuav tau txais lub limtiam tom qab los xij.

Yog tsis muaj cov nyiaj so koobtsheej, so haujlwm, los yog nyiaj tso tawm haujlwm nyob rau hauv koj cov nyiaj uas koj tau hauv lub limtiam, ces koj tsis tag qhia li. Hu koj tus tswv num yog koj tsis paub meej txog cov nyiaj no. Hu tus pab leg ntaubntawv yog koj tsis paub meej txog seb thaumtwg mam qhia txog cov nyiaj no.

TSO COV NYIAJ HAUJLWM LOS YOG LWM YAM NYIAJ THIAB COV TXOOS TEEV THIAB FEEB LI CAS:

Siv thiab nias cov lej ntawm koj lub xovtooj los qhia txog cov nyiaj koj khwv tau lossis li yam nyiaj them rau koj mus nrog rau cov txoos teev thiab feeb.

Thaum koj ua haujlwm rau ob peb tug tswv num tau ib lub limtiam los yog tau nyiaj lwm yam los ntawm ob peb tug tswv num hauv ib lub limtiam ntawd, koj yuav tsum qhia cov nyiaj khwv los nrog rau cov txoos teev thiab feeb ntawm txhua tus tswvnum.

Lub kaw lus yuav rov hais tus nyiaj uas koj tau nias tseg ntawd thiab cov txoos teev thiab feeb tom qab koj qhia tas rau luag lawm, thiab yuav cia koj kho cov lus ntawd yog thaum tso yuam kev lawm.

Cov Nyiaj Haujlwm.  Koj yuav tsum tso cov nyiaj tag nrho nrog nyiaj bib (cents) tib si. Tom qab koj tso tej qho nyiaj rau hauv lawm, nias tus cim (#). Ob tus lej kawg uas koj ntaus ua ntej ntaus tus cim (#) no yuav tsum yog nyiaj bib (cents) xwb.

Piv xam li:

• Yog koj ua haujlwm tau nyiaj $97.23, nias 9,7,2,3,#.

• Yog tus nyiaj yog $32.00, nias 3,2,0,0,# (nco ntsoov nias lub zoom ob zaug).

Tus kev siv hais nyiaj pab no yuav tso koj xyaum siv ntaus nyiaj rau hauv. Koj tso tseg tsis xyaum thaum twg los tau lub sijhawm uas koj ntaus koj cov nyiaj haujlwm rau.

Cov Txoos Teev/Feeb. Koj yuav tsum tso tus lej txoos teev tag nrho ua ntej. Tom qab koj tso tus lej no tag, ces nias tus cim (#). Ces ho tso cov sijhawm feeb rau ces nias tus cim (#) thaum ua tag lawm. Yog koj ua haujlwm tsis tshaj mus rau feeb li ces yuav tsum ntaus lub zoom rau tag ces mam nias tus cim (#).

Piv xam li:

• Yog koj tau ua haujlwm 35 txoos teev thiab 30 feeb, nias 35,# ces nias 30,#.

• Yog koj ua haujlwm 25 txoos teev thiab tsis muaj feeb sijhawm li, ces nias 25,# thiab 0,#.

QHIA KOM YOG TUS TSWV NUM LI CAS:

Muaj qee zaum, luag yuav kom koj hais tus tswv num lub npe tag nrho thiab chaw nyob tom qab uas koj tso cov nyiaj tag. Lub kaw lus uas koj nrog tham ntawd yuav kaw koj cov lus cia. Hais tag nrho txhua yam thiab hais kom meej meej. Yog peb tsis totaub cov lus uas kaw tseg, los yog hais tsis tag, luag yuav tsis lees txais thiab luag yuav xa ib tsabntawv nrog tus xovtooj tuag rau koj rov hu mus ua kom tiav koj txoj kev thov nyiaj.  Qhov no yuav ncua koj tej kev tau nyiaj poob haujlwm.

Yog koj ua ib txog haujlwm rau tus tswvnum los ntawd ib lus chaw nrhiav haujlwm ua ib vuag, luag hais tau tias koj yog ib tug ua haujlwm rau qhov chaw nrhiav haujlwm ntawd, nws tsis yog qhov chaw uas koj niaj hnub mus ua haujlwm rau. Thaum lub kaw lus nug koj tus tswv num lub npe thiab chaw nyob, hais qhov chaw uas nrhiav haujlwm rau koj ua ib vuag ntawd lub npe xwb.

Muaj qee zaum, tsis tag tso tus tswv num uas koj ua haujlwm rau los yog tau nyiaj lwm qhov los. Txeev zoo li no thaum koj tau ua haujlwm rau tib tug tswv num hauv lub limtiam ua ntej ntawd thiab peb nug tau tias cov nyiaj uas koj qhia ntawd yog los ntawm tib tug tswv num ntawd. Yog muaj li, ces tsis tag yuav tso lus ntxiv. Tej kev siv uas tau muab kaw rau hauv yuav xyuas saib puas yuav yuas cov lus no los tsis yuav. Lawv mam qhia seb koj puas yuav tsuam tau kaw koj cov lus txog ntawm koj tus tswv num. Tsuas yog ua lawv li cov lus uas lub kaw lus hais xwb.

Yog koj qhia tias tau ua haujlwm hauv ib lub limtiam thiab qhia tias tau nyiaj so koobtsheej, nyiaj so haujlwm los yog nyiaj tso tawm haujlwm hauv lub limtiam ntawd, luag yuav nug seb lwm yam nyiaj uas koj tau puas yog los ntawm tib tus tswv num ntawd thiab tej zaud koj yuav tsis tau hais tus tswv num npe thiab chaw nyob ntxiv.

YOG KOJ UA YUAM KEV RAU KOJ DAIM NTAWV THOV KEV PAB NO:

Lub kaw lus yuav rov hais koj cov lus teb ntawm tej lo lus nug. Yog koj teb raug lawm, nias 1 qhia tias yog lawm thiab lub kaw lus yuav hla mus nug qhov ntxiv mus. Yog koj hais tsis raug, nias 2 ces luag yuav rov nug dua lo lus nug ntawd ntxiv kom koj thiaj tau teb dua.

Yog koj xav tias koj teb lo lus nug tsis yog thiab tau nias tus lej 1 lawm, cia li muab khwb thiab rov pib dua. Yuav xam hais tias koj cov ntaubntawv tsis tiav thiab ua txhua yam lus koj hais ploj mus yog tias koj khwb xovtooj ua ntej nws teb tias lees txais koj cov ntaubntawv lawm. Lub kaw lus no yuav tsis kaw tej ntaubntawv uas ua tsis tiav hauv lub limtiam.

Yog koj xav tias koj teb lus nug tsis yog thiab luag ho lees txais koj cov lus teb lawm, koj yuav tsum hu mus rau tus xovtooj uas pab koj hais nyob sab nraum phau ntawv no nrog tus neeg pab leg ntaubntawv tham.

UA CAS THIAJ PAUB TIAS KOJ COV NTAUB-NTAWV UA TIAV (RAUG TXAIS LAWM):

Koj cov ntaubntawv tiav rau thaum uas lub kaw lus qhia rau koj tias luag lees txais lawm. Tsis txhob khwb xovtooj txog thaum uas luag qhia tias luag lees txais koj cov lus lawm.

YOG KOJ UA NTAUBNTAWV THOV PAB HAUV LUB LIMTIAM TSIS TAG:

Yog koj khwb xovtooj los yog lub kaw lus raug txiav ua ntej luag lees txais koj cov lus, lub kaw lus yuav tsis kaw koj cov lus cia. Koj yuav tsum tau rov hu dua mus ua koj cov ntaubntawv.

YOG KOJ COV NTAUBNTAWV MUAJ QHOV UAS XYOV PUAS TSIMNYOG KOJ TAU KEV PAB LOS TSIS TAU:

Tom qab koj teb txhua lo lus nug lawm, lub kaw lus yuav qhia seb tej lus uas koj tau teb puas "tsimnyog koj tau kev pab." Qhov uas tsimnyog tau kev pab yog kablis kev cai uas siv los ntsuam ua ntej yuav them nyiaj rau koj. Yog muaj li no, luag yuav hais kom koj hu rau tus neeg leg ntaubntawv tsis pub dhau 3 hnub yog tias koj tsis tau muab ntaubntawv li cas qhia rau lawv txog qhov no. Luag yuav muab ib tus xovtooj uas hu dawb rau koj hu rau luag tabsis koj tseem hu tau rau tus neeg pab leg ntaubntawv ntawm cov xovtooj uas nyob sab nraum phau ntawv no.

Tus neeg pab leg ntaubntawv yuav nug mentsis lus ntawm koj tamsim ntawd los yog lawv yuav teem sijhawm rau koj mus ntsib los yog yuav hu xovtooj tau yog los yuav xa ib tsab ntawv rau koj los tham tshuaj xyuas qhov tseeb. Txawm yog luag hais rau koj tias luag lees txais koj cov ntaubntawv thaum koj hu tag lawm los xij, koj YUAV TSUM tau hu mus rau tus neeg pab leg ntaubntawv yog luag xwv kom koj hu. Yog koj tsis hu rau tus neeg pab leg ntaubntawv li uas luag kom koj hu lawm, koj muaj feem uas yuav tsis tau koj cov nyiaj.

Muaj lus piav txog qhov uas tsimnyog tau thiab tsi tau no, kabke txoj taug thiab lwmyam hais txog qhov uas tsimnyog tau kev pab no nyob ntawm Tshooj 9 hauv phau ntawv no.

YOG KOJ TSO IB LUB LIMTIAM TSIS THOV PAB:

Yog koj xav cia "tu" li ib los yog ob lub limtiam thaum thov pab, koj tsis txhob hu mus thov rau cov limtiam ntawm uas koj tsis xav txais nyiaj pab. Piv xam li, koj tso tseg ib lub limtiam vim yog koj mob lawm los yog mus so haujlwm thiab tsis ua haujlwm rau feem ntau los yog tag nrho lub limtiam ntawd los yog vim ua haujlwm es tau nyiaj ntau huj sim lawm.

Tseemceeb

Yog koj tso tseg ib lub limtiam, koj YUAV TSUM hais kom rov qhib koj cov ntaubntawv thov pab. Koj ua ntaubntawv hauv on-line los yog hu rau cov xovtooj uas muaj nyob sab nraum phau ntawv no.

Koj li nyiaj pab yuav tsis pib txog thaum uas koj rov pib thov. Yog xav kom kev pab tsis tu, yuav tsum rov thov thawj lub limtiam uas koj xav kom tau kev pab los yog nyob rau hauv 7 hnub ntawm lus limtiam ntawd. Tsis txhob tos txog thaum lub limtiam ntawd twb dhau lawm!

THAUM TWG MAM TAU KOJ COV NYIAJ:

UI txeev xa nyiaj tawm tsis dhau 7 hnub tom qab uas ua cov ntaubntawv tag thiab lees txais lawm, tiamsis kuj muaj ntau yam uas yuav ua rau koj cov nyiaj tuag qeeb. Piv txwv, yog ua diam ntawv tsis tag losyog lawv muaj lus nug koj txiv. Teb no yuav ua rau koj cov nyiaj tuaj qeeb.

Tsis txhob xav tias yuav tau txais koj li nyiaj tib hnub uas koj thov los yog
yuav tau raws sijhawm txhua lub limtiam.

Yog koj tsis tau txais koj cov nyiaj (los yog tsis muaj ntawv qhia tias yog vim li cas koj thiaj tsis tau nyiaj) li 7 hnub tom qab uas koj tau thov pab ntawm tej lub limtiam, koj yuav tsum hu xovtooj rau qhov chaw kaw lus seb lawv puas tau xa nyiaj tuaj. Xaiv qhov 1 (option 1) nws yuav qhia txog koj cov nyiaj rau lub limtiam tag los.

• Yog tias diam check tsis them rau lub limtiam koj nug txoj, thiab 7 hnub suav txij ntawm koj thov nyiaj rau lub limtiam ntawd, hu rau tus neeg pab leg ntaubntawv tamsim ntawd.
• Yog diam check xav tuaj rau koj rau lub limtiam koj nug txog, tiamsis koj hloov chawnyob lawm, hu rau tus neeg pab leg ntaubntawv tamsim ntawd.
• Yog diam check twb xav tuaj lawm tiamsis koj tseem tsis tau txais, thiab tsis tas li ntawm, koj tsis tau hloov chawnyob no ces tos 12 hnub ntxiv suav txij ntawm diam check twb xav tuaj lawm. Yog koj tseem tsis tau txais thaum 12 hnub ntawm dua lawm, hu rau tus neeg pab leg ntaubntawv nws mam pib nrhiav koj diam check.

PAUV KOJ DAIM CHECK:

Koj tib leeg thiaj sau npe tau thiab pauv tau koj dai check xwb. Txhob sau npe uantej mus pauv nyiaj. Koj yuav tsum qhia koj daim ntawv plhu thaum mus pauv koj daim UI nyiaj.

DAIM CHECK PLOJ LOS YOG RAUG NYIAG LAWM:

Yog koj daim UI check ploj los yog neeg nyiag lawm, hu rau tus xovtooj pabcuam tam sim ntawd nrog tug neeg pab leg ntaubntawv tham. Nws yuav siv txog li 60 hnub tom qab uas ua ntawv qhia tias daim check ploj los yog neeg nyiag lawm mam rov tau daim tshiab, raws li ua tau.

THEM NYIAJ NCAJ QHA RAU HAUV KOJ LUB TSEV CEEV NYIAJ TXIAG (DIRECT DEPOSIT):

Cov nyiaj them poob huajlwm no them mus ncaj qhia rau hauv koj lub txhab nyiaj (checking account). Yoj koj xa kom cov nyiaj no them ncaj qha tuaj rau hauv koj lub txhab nyiag (checking account), koj yuav tsum ua diam ntawv tso cai hu uas Direct Deposit Authorization. Diam ntawv no lawv muab xa nrog rau cov ntaubntawv qhia txog nyiaj poob haujlwm tuaj rau koj lawm. Tsis tas lis ntawd xwm, diam ntawv no los hos nyob rau hauv Internet chaw nyob http://dwd.wisconsin.gov/uiben/ lossis hu tauj rau peb ib tus xoovtooj nyob nruab quam phau ntawv no. Koj yuav tsum xa ib diam check muab sau tias “void” thiab nrog rau diam ntawv tso cai. Lawv yuav xa nyiaj ntawv tuaj rau koj kom txog thaum lawv txais tau koj cov ntaubntawv thiab muab xeev xwm txheej txhij lawm.

HLOOV KOJ LI CHAW NYOB:

Lub kaw lus yuav nug seb koj lub chaw nyob puas tau hloov txij zaum tag los uas koj tau thov. Yog hloov lawm, lub kaw lus yuav kom koj tso koj tus zip code thiab tus xovtooj uas yog siv cov lej ntawm lub xovtooj los ntaus. Ces luag kom koj hais tag nrho koj lub chaw nyob, nrog rau txoj kev, tus naj npawb tsev, lub nroog, lub xeev thiab tus zip code. Cov lus no yuav muab kaw cia thaum koj hais. Hais tag txhua yam thiab hais kom meej. Yog peb tsis totaub cov lus uas kaw tseg los yog hais tsis tag, peb yuav hloov tsis tau koj lub chaw nyob.

Yog koj tsis ua ntawv thov pab rau lub sijhawm no tabsis xav hloov koj chaw nyob, koj yuav tsum hu rau tus xovtooj uas thaum koj hu thov pab thawj zaug thiab nias 3 thaum lub kaw lus qhia cov lej rau koj.

YWJ NROOG RAU LWM LUB XEEV:

Yog koj npaj mus ywj nroog los yog khiav mus nyob lwm lub xeev thaum tseem tau kev pab, ces cia li hu rau ib tus xovtooj nyob sab nraum phau ntawv no qhia paub ua ntej koj mus. Luag yuav xyuas txog koj kev ua haujlwm rau lub sijhawm uas koj tawm mus ywj nroog. Ib tus neeg pab leg ntaubntawv yuav qhia rau koj paub txog tej kabke cuam tshuam thiab yuav qhia koj paub tias thaum twg es kev mus ywj nroog yuav muaj feem ua rau luag txiav txim siab seb koj puas tsimnyog tau los tsis tau nyiaj.

YUAV TSO TSEG TSIS UA NTAUBNTAWV THOV PAB LI CAS:

Thaum koj xav tso tseg tsis thov pab lawm, koj cia li tsum tsis ua ntaubntawv thov ntxiv lawm xwb -- tsis tag koj yuav hu rau lawv. Koj tsis tag qhia rau lawv paub tias koj twb rov mus ua haujlwm lawm.

---

Phau Ntawv Rau Cov Thov Qhia Cov Tshooj Ntawv

Tshooj 6: Xav Paub Txog Tej Ntaubntawv, Tau Kev Pabcuam, Losyog Tham Nrog Tus Neeg Pab Leg Ntaubntawv