Tshooj 4: Nrhiav Haujlwm
Thaum Twg Koj Mam Nrhiav Haujlwm
Koj yuav tsum nrhiav haujlwm txhua lub limtiam tsuas tshwj lawv qhia tias koj kev nrhiav haujlwm raug “zam lawm” thiab tsis raug mus nrhiav haujlwm.
Koj yuav tsum mus cuag ob tug tswv haujlwm txhua lub limtiam yog luag hais kom koj mus nrhiav haujlwm.
Tej zaum lawv yuav qhia koj tias koj tsis tag mus nrhiav haujlwm yog tias koj twv yuav raug hu rov mus ua haujlwm rau ib tug tswv num uas koj nyuam qhuav ua haujlwm tau tsis ntev losyog koj yog ib tug tswv cuab (zoo) nyob hauv ib lub koomtxoos haujlwm uas muaj kev cog lus xa neeg ua haujlwm rau rooj tswj neeg poob haujlwm.
Tej zaum, koj yuav tsis raug nrhiav haujlwm yog tias koj ua haujlwm tsis puv sijhawm (part-time) lawm. Tsis txhob tso tseg nrhiav haujlwm vim koj tau haujlwm tsis puv sijhawm (part-time) ua lawm. Hu rau Tug Neeg Pab Leg Ntaubntawv seb koj qhov haujlwm tsis puv sijhawm no puas pub peb zam koj tsis mus nrhiav haujlwm.
Nco ntsoov, yog koj tsis nrhiav dejnum li uas tsim nyog, koj muaj feem tsis tau koj cov nyiaj pab. Yog koj thov nyiaj pab los ntawm lav Wisconsin tiamsis koj hom nyob lwm lub lav txawv thiab Wisconsin hom hais kom koj mus nhriav haujlwm no ces koj yuav tsum mus rau ib lub koom haum povhwm poob haujlwm uas nyob ze koj lub tsev nrog lawv tham.
Nrhiav Haujlwm Txhua Lub Limtiam
Yog hais tias koj yuav tsum nrhiav haujlwm, daim ntawv hais txog kabke povhwm poob haujlwm rau koj ntawd yuav qhia ntxiv txog kev nrhiav haujlwm txhua lub limtiam nrhiav li cas.
Nyob tom qab daim ntawv hais txog kabke povhwm poob haujlwm ntawd muaj ib cov lus pivtxwv qhia txog seb yuav xeev xwm txheej cov ntaub ntawv teev tseg li cas txog kev nrhiav haujlwm. Koj yuav tsum xeev xwm txheej kom tas cov lus nug lawv hais tseg.
Peb yuav raug hais kom saib xyuas koj daim ntawv nrhiav haujlwm, yog li yuav tsum khaws ntaubntawv zoo. Kws yees qhia tej yam uas tsis yog rau hauv koj daim ntawv teev txog kev nrhiav haujlwm yuav txhaum cai. (Saib Tshooj 7 hais txog tswj kev ua yuam cai.)
Kev Pab Nrhiav Haujlwm
Nrhiav kev pab rov ua haujlwm saib rau hauv online chaw nyob http://jobcenterofwisconsin.com los yog hu xoovtooj mus rau ib lub Koom Haum Nrhiav Haujlwm (Job Center) nyob ze koj. Hu xoovtooj dawb rau 1-888-258-9966 los yog online chaw nyob http://wisconsinjobcenter.org/directory/ nrhiav lub koom haum nrhiav haujlwm nyob ze koj. Yog hais tias koj nyob txawv xeev hu rau lub koom haum ze koj tshaj.
Txheej Txheem Rov Ua Haujlwm
Yog koj tsis muaj ib tug tswv num twg uas yuav hu koj rov mus ua haujlwm, koj yuav raug mus koom nrog tej nyuag txheejtxheem tshwjxeeb rau kev rov ua haujlwm dua uas yog npaj pab koj nrhiav haujlwm ua thaum koj nyuam qhuav tau txais nyiaj pab.
Koom rau cov kev pab rov nrhiav haujlwm no yuav raug cov kabke nrhiav haujlwm uas koj muaj feem koom nrog. Txawm li ntawd los, mus koom rau lwm tus txheejtxheem nrhiav haujlwm ntawm tus kheej tsuas xam tau tias yog mus nrhiav haujlwm tib zaug xwb, yuav nyiam yog tias lub chaw rhiav haujlwm yog qhov uas tsa muaj tus txheejtxheem no los xij.
Thaum lawv hu txoj koj lawm, koj yuav tsum tau mus koom rau cov kev rov nrhiav haujlwm no. Yog lawv teem sijhawm rau koj mus ntsib qhov chaw rov nrhiav haujlwm es koj tsis mus, koj muaj feem yuav plam koj cov nyiaj povhwm poob haujlwm. Yog tias koj mus koom tsis tau los yog twb tu tsis mus koom ib lub lawm, hais rau lub chaw nrhiav haujlwm paub tamsim los teem dua sijhawm.