Tshooj 1: Koj Daim Ntawv Cim Plhu
Koj tus PIN muaj 4 tus lej uas koj tsim tseg ua ntej koj thov cov nyiaj poob haujlwm. Tus txheejtxheem thov UI hauv xovtooj thiab Internet yuav siv koj tus PIN thiab social security number los nrhiav koj thaum koj hu mus thov.
Nrhiav ib tus PIN uas tsis muaj leejtwg paub txog thiab koj yuav tsis hnov qab txog. Tsis txhob qhia koj tus PIN no rau LEEJTWG paub lis. Tas nrho cov ntaubntawv uas ua koj npe thov cov nyiaj poob haujlwm uas siv koj tus PIN thiab koj tus social security number ntawd yog koj feem xyuam tas nrho.
Yog koj tsis nco koj tus PIN lawm, lossis ntseeg tias lwm tug paub lawm, koj yuav tsum hloov tam sim ntawd los ntawm qhov uas hu rau cov xovtooj uas koj xub hu lawm thiab nias 4 los hloov koj tus PIN.
Koj Chaw Nyob
Yog ib yam tseem ceeb heev uas koj yuav tsum qhia koj lis chaw nyob kom yog. Peb yuav xa tej yam ntaubntawv tseem ceeb thiab cov lus qhia tom qab koj hu los yog ua ntawv thov cov nyiaj poob haujlwm ntawd. Yog hais tias koj cov ntaubntawv tauj tsis txog koj, tej zaum txoj kev txiav txim hom yuav muaj cuam tshuam losyog koj cov nyiaj them poob haujlwm ntawd hom yuav muaj ncua.